ទំនាក់ទំនង ដើរតួយ៉ាងសំខាន់ដើម្បីជួយឲ្យយុវវ័យទទួលបានជោគជ័យក្នុងជីវិត។ ក្នុងនោះ ជំនាញនៃការស្ដាប់ជាផ្នែកមួយដែលជំរុញឲ្យយុវវ័យទទួលបាននូវ ទំនាក់ទំនងល្អផងដែរ។នៅពេលដែលអ្នកធំឡើង គ្រូនិងឪពុកម្ដាយ បានចំណាយពេលយ៉ាងយូរ ដើម្បីបង្រៀនអ្នកឲ្យចេះ និយាយ សរសេរ និងចេះអាន តែប្រហែលជាពួកគាត់មិនបានបង្ហាត់អ្នកឲ្យចេះស្ដាប់នោះទេ។ពាក្យ ថាចេះស្ដាប់ មិនមែនគ្រាន់តែសំដៅលើលទ្ធភាពដែលអាចស្ដាប់ឮប៉ុណ្ណោះទេ។
តើយុវវ័យចាំទេ កាលដែលអ្នករៀននៅឯសាលា មានគ្រូឬក៏សិស្សបានអានមេរៀនមួយ ហើយអ្នកមិនបានយកចិត្តទុកដាក់ស្ដាប់នោះទេ តែអ្នកបានស្ដាប់ឭពាក្យទាំងអស់។ តែផ្ទុយទៅវិញ អ្នកមិនអាចឆ្លើយសំនួររបស់គ្រូបាន ព្រោះអ្នកមិនបានចាំពីចំណុចសំខាន់និងអត្ថន័យនៅក្នុងមេរៀន។នេះ គឺមានន័យថា អ្នកមិនមែនស្ដាប់ទេ គឺអ្នកឭ។
តើ អ្នកធ្លាប់ឈ្វេងយល់ពីខ្លួនឯងនៅពេលដែលសន្ទនាជាមួយអ្នកដទៃ ទេ?អ្នកដែលមានជំនាញខាងស្ដាប់ល្អ មិនត្រឹមតែយល់ពីអ្វីដែលដៃគូកំពុងនិយាយទេ តែគេថែមទាំងអាចស្មានដឹងថាអ្វីដែលដៃគូនឹងនិយាយបន្ទាបមកទៀត។ ហេតុអ្វីក៏គេពូកែម្ល៉េះ? ព្រោះគេមិនត្រឹមតែស្ដាប់ដើម្បីឭនោះទេ តែគេថែមទាំងផ្ដោតអារម្មណ៍ទៅលើដៃគូ ទាំងការនិយាយ កាយវិការ និងទឹកមុខទៀតផង។ជំនាញស្ដាប់ពិតប្រាកដបានផ្ដល់ប្រយោជន៍ដល់អ្នក ជាច្រើនដូចខាងក្រោម៖
-យល់ដឹងច្បាស់ពីអ្វីដែលកំពុងនិយាយ
-មានការរំពឹងទុកត្រូវ
-ជួយឲ្យការសន្ទនាកាន់តែមានភាពស៊ី សង្វាក់
-ជៀសផុតពីការយល់ខុសរវាងគ្នានឹងគ្នា
-ចំណេញពេលវេលា
ប្រភព http://cambodia.mx
